Gjatë Luftës së Dytë Botërore, mijëra belgë ndihmuan forcat naziste që të identifikonin, arrestonin dhe më pas të dërgonin në kampet e përqendrimit mijëra hebrenj dhe pjesëtarë të rezistencës.
Në fund të luftës më të përgjakshme të historisë së njerëzimit, 57 mijë shtetas belgë u dënuan për rolin e luajtur gjatë pushtimit nazist. Pjesa më e madhe e personave të dënuar ishin anëtarë të forcave famëkeqe SS dhe Ëehrmacht.
E kur duket se e gjitha kjo i përket së shkuarës, që si Belgjika ashtu edhe Gjermania e kanë hedhur pas krahëve, ai që kujton të kundërtën është një ministër i kabinetit qeveritar belg.
Geraldine Lamoureux, ministre e Pensioneve në Belgjikë deklaroi se të paktën 2500 ish-nazistë aktualisht përfitojnë pensione nga qeveria gjermane.
Në lidhje me këtë çështje ka reaguar edhe shoqata e belge e të rënëve të Luftës së Dytë Botërore. Shoqata thotë se është “turp për Belgjikën dhe Gjermaninë edhe nëse këto pensione jepen pa dijeninë në lidhje me të shkuarën e tyre”.
“Është e pakuptimtë që në Europën e sotme, Belgjika dhe Gjermania nuk menaxhojnë dot shkëmbimin e informacionit mbi këtë çështje”, thotë kreu i kësaj shoqate, Pieter Paul Baeten.
Top Channel