Veseli: Zviceran? Kam lindur dhe do vdes shqiptar

“Unë kam lindur, jetoj dhe do vdes si shqiptar. Jam shumë krenar dhe i lumtur që do të vesh këtë fanellë. Jam shumë profesionist dhe, nëse do të më jepet mundësia, do të jap maksimumin”, vijoi Veseli.

Përfshirja e tij në listën prej 23 lojtarëve të cilët do të jenë në Europian dhe lënia jashtë e Gjimshitit, ngjalli shumë debate, por kjo nuk ka bërë që 23-vjeçari të shpërqendrohet.

“Të them të drejtën nuk i kam ndjekur shumë debatet sepse nuk kam qenë i interesuar. Unë do të vazhdoj të jap më të mirën në stërvitje dhe të bind trajnerin se jam gati për Europianin. Jam shumë i përqendruar në përgatitje dhe çdo gjë tjetër jashtë futbollit nuk më intereson”, u shpreh Veseli.

Ai pranoi se ishte ndjerë i stresuar pasi mos grumbullimi në kohë me kombëtaren në Austri mund ta penalizonte, por u shpreh i lumtur që De Biasi e ka vlerësuar dhe i ka dhënë mundësi që të përfshihet në 23-she.

I pyetur nëse kishte ndonjë presion apo frikë për shkak se janë gjatë gjithë kohës në shoqërimin e forcave policore, Veseli u përgjigj negativisht duke shtuar se i gjithë grupi i lojtarëve është shumë i përqendruar në urdhrat De Biasit dhe kjo gjë nuk ju bën përshtypje.

Top Channel