Zgjidhet çështja “Mourinho-Carneiro”
07/06/2016 00:00
“Roma e meritoi kualifikimin”, Pioli i sinqertë 19/04 10:01
Chelsea dhe Jose Mourinho kanë arritur një marrëveshje me ish-doktoreshën Eva Carneiro, duke bërë që kjo çështje, e cila kishte kaluar në gjykatë, të pushohet.
Përmes një deklarate, Chelsea shpreh keqardhjen për mënyrën se si Eva Carneiro u largua nga klubi dhe i kërkon falje asaj dhe familjarëve të tjerë për shqetësimin e krijuar.
“Me hyrjen e saj në fushë, Dr. Carneiro ishte duke ndjekur rregullat dhe po tregohej e përgjegjshme duke vënë në radhë të parë shëndetin e lojtarit. Dr. Carneiro ishte një anëtare shumë e vlerësuar e stafit mjekësor dhe ne i urojmë asaj suksese në të ardhmen”, thuhet në deklaratën e Chelseat.
Po ashtu, Jose Mourinho falënderon Carneiron për punën e saj të palodhshme si doktoreshë e parë e skuadrës dhe gjithashtu i uron suksese.
Top Channel
