Kupa, “bilbili” i finales do të jetë një italian
20/05/2016 00:00
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 19/04 19:59
Finalja e Kupës së Shqipërisë së këtij sezoni, mes Laçit dhe Kukësit, do të gjykohet nga gjyqtarë italianë.
Konfirmimi ka ardhur nga Federata Shqiptare e Futbollit, e cila ka pranuar kërkesën e klubit të Kukësit për këtë sfidë.
Verilindorët, si palë kërkuese për gjykimin nga ndërkombëtarët, do të paguajnë 10 mijë euro, shumë e cila i paguhet Federatës që vë në dispozicion gjyqtarët.
Emrat e gjyqtarit kryesor dhe dy asistentëve do të konfirmohen në ditët në vijim.
Ndërkohë, sipas shortit të hedhur, skuadra pritëse do të konsiderohet Laçi. Pra ndeshja finale do të jetëe Laçi-Kukësi.
Për këtë takim ka nisur edhe shitja e biletave pranë stadiumit kombëtar “Qemal Stafa”. Çmimi i biletave për tribunën A dhe B është 1000 lekë, ndërsa për tribunat D1 dhe D3 është 300 lekë.
Top Channel
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 
