Belgjikë, nën mbikëqyrje 60 ushtarë të radikalizuar
14/05/2016 21:55
NASA: Objekti që goditi një shtëpi në Florida erdhi nga Stacioni Hapësinor 16/04 13:32
Rreth 60 ushtarë belgë kanë treguar shenja të një radikalizimi fetar dhe për këtë arsye po mbahen nën mbikëqyrje nga shërbimet ushtarake.
Lajmin e bën të ditur gazeta “Libre Belgique”, që citon një korrespondencën e shkruar mes ministrit të Mbrojtjes, Steven Vendeput dhe një deputeti.
“Shërbimet sekrete ushtarake, SGRS, po mbikëqyrin rreth 60 anëtarë të ushtrisë belge që paraqesin sjellje të dyshimtë”, thuhet në letrën e ministrit.
Sipas të njëjtit burim, bëhet fjalë për 55 ushtarë dhe 5 nënoficerë të identifikuar si “myslimanë të radikalizuar”.
Belgjika konsiderohet si një nga vatrat e terrorizmit islamik në Europë, kryesisht në disa lagje të Brukselit ku ka dendësi banorësh nga vendet arabe dhe Lindja e Mesme.
Në fillim të vitit kryeqyteti belg u trondit nga një seri sulmesh terroriste ndaj aeroportit Zaventem dhe stacioneve të metrove, që morën disa jetë njerëzish.
Ndërsa lagjia Molenbeek ishte kthyer në strehën e terroristit të shumëkërkuar Abdeslam, përgjegjës për sulmet e nëntorit në Paris ku humbën jetën 130 persona.
Top Channel
