Reali “blindon” kolumbianin James Rodriguez
13/05/2016 00:00
Befasi në Champions, Barcelona me një lojtar më pak, përmbyset nga PSG! Dortmund surprizon Atleticon 16/04 22:15
Reali i Madridit nuk ka ndërmend të nxjerrë në merkao James Rodriguezin. Sipas asaj që publikohet te e përditshmja spanjolle AS, presidenti i klubit “merengues”, Florentino Perez ka vendosur të mbajë në Madrid talentin kolumbian, duke e cilësuar si të pashitshëm.
Në kryeqytetin spanjoll të gjithë kujtojnë paraqitjet e mira dhe potencialin e Rodriguez në sezonin e tij të parë me fanelën e “Los Blancos”, kur ai shënoi 17 gola dhe dha 18 asist për futbollistët e tjerë të skuadrës, statistika ndaj të cilave as vetë Perez nuk ka ndenjur indiferent.
Kjo do të thotë se te Reali i Madridit nuk do të merret në konsideratë asnjë ofertë që mund të vijë në drejtim të kolumbianit, për të cilin vetë Reali përpara 2 vitesh i pagoi Monacos plot 80 milionë euro.
Top Channel
