Zyrtarët më të lartë të FIFA mbërritën në Meksikë, ku më 12 dhe 13 maj do të mbahet Kongresi i 66-të i këtij institucioni.
Në këtë Kongres, tema për të cilën do të diskutohet më shumë është përshpejtimi i reformave në mënyrë që të largohen sa më shpejt hijet e korrupsionit që janë shfaqur gjatë gjithë këtyre muajve në qeverinë e futbollit botëror, një skandal që solli edhe arrestimin e 41 zyrtarëve nga policia zvicerane me kërkesë të prokurorisë amerikane.
Një tjetër çështje që do të shqyrtohet në këtë Kongres është edhe reduktimi i numrit të Komiteteve në FIFA nga 26 në 7.
Por jo vetëm kaq, Kongresi i FIFA do të vendosë gjithashtu nëse do të anëtarësojë Federatën e Futbollit të Kosovës në këtë organizëm, kur vetëm pak ditë më parë ajo u bë anëtare me të drejta të plota edhe në UEFA.
Top Channel