Barça blindon Neymar, 220 mln klauzola e shitjes
10/05/2016 00:00
Barça, opsioni i parë për portugezin e City-t, por kujdes PSG-në 20/04 07:30
Te Barcelona po vijon puna për rinovimin e kontratës me Neymar që skadon në verën e vitit 2018. Sipas asaj që publikohet te ‘El Mundo Deportivo’, synimi i klubit katalanas është zgjatja e saj deri në vitin 2021, kur sulmuesi brazilian do të jetë në moshën 29 vjeçare.
Gjithnjë sipas kësaj të përditshmeje, një ndër hapat që do të ndërmarrin drejtuesit e kampionëve të Spanjës në këtë pikë është rritja e klauzolës së zgjidhjes së kontratës së Neymar. Aktualisht, kjo klauzolë është 190 milionë Euro dhe te Barcelona ideja është që ajo të rritet në 220 milionë euro.
Kjo shifër është më e ulët se klauzola e kontratës së Messit, prej 250 milionë Euro, që pasqyron politikën e klubit katalanas. Sipas kësaj politike, askush nuk duhet të pretendojë të përfitojë më shumë se ylli argjentinas, e si pasojë askush nuk duhet të kërkojë një klauzolë të zgjidhjes së kontratës më të lartë se ai.
Bisedimet mes drejtuesve të Barcelonës dhe përfaqësuesve të Neymar po ecin mirë me katalanasit që kanë shprehur gatishmërinë për të mbështetur futbollistin në rast se do të ketë penalizim nga drejtësia spanjolle. Optimizmi në ambientet e klubit është i madh dhe çështja e rinovimit mund të mbyllet në fillim të muajit korrik.
Top Channel
