Ish-lojtari i Skënderbeut, braziliani Bernardo Ribeiro, humbi jetën në fushë nga një atak kardiak. 26-vjeçari nuk ishte ndjerë mirë gjatë kohës sa ishte në fushë në miqësoren që po luante me skuadrën e tij Friburguense.
Ribeiro ishte dërguar me ambulancë në spitalin më të afërt, ku më vonë ka ndërruar jetë. Zyrtarisht ende nuk është thënë se cili është shkaktari i vdekjes së futbollistit, por mediat e huaja raportojnë për sulm kardiak.
Lojtari me origjinë nga Rio kaloi një vit i huazuar në kampionatin australian te skuadra Newcastle Jets. Ndërkohë, ai është aktivizuar 12 vite me gjigantët bralizianë të Flamnegos.
Më pas, Ribeiro u transferua në Korçë për t’u shpallur kampion me Skënderbeun në sezonin 2011-2012.
Kjo ngjarje vjen pas asaj në Rumani, ku lojtari i Dinamos së Bukureshtit, Patrick Ekeng, pësoi atak kardiak gjatë ndeshjes dhe ndërroi jetë në spital.
Top Channel