Danimarka do të zgjerojë kontrollet kufitare me Gjermaninë. BE-ja pritet ta miratojë

Komisioni Europian, i cili po përpiqet mes vuajtjesh të parandalojnë rrëzimin e marrëveshjes së “Schengen”-it, ka konfirmuar se së shpejti do të autorizojë edhe ajo zgjerimin e masave të tilla.

Qeveria daneze ka bërë të ditur se i është bashkuara disa vendeve të tjera të BE-së, që i kanë shkruar Komisionit për një zgjerim të këtyre masave me rreth dy vite.

“Së bashku me gjermanët, francezët, austriakët dhe suedezët, sot unë i kam dërguar një letër Komisionit të BE-së, përmes së cilës kërkoj mundësinë e zgjerimit të kontrolleve kufitare edhe përgjatë dy viteve të ardhshme”, tha Inger Stojberg, ministri danez i Emigracionit dhe Integrimit.

“E kam ndërmarrë një hap të tillë, sepse duhet të kujdesemi për Danimarkën. Duhet të mbrojmë veten tonë nga grupi i Shtetit Islamik, i cili po përpiqet të shfrytëzojë avantazhin e kësaj situate me refugjatët, për t’u futur në Europë kudo ku ka boshllëqe kontrolli. Gjithashtu duhet të mbrohemi edhe ndaj fluksit të refugjatëve që kanë pushtuar Europën kohët e fundit”, shtoi më tej ai.

Komisioni pritet t’i japë “dritën jeshile” gjatë mëngjesit të së mërkurës, vendeve të zonës së lëvizjes së lirë “Schengen”, të cilat dëshirojnë të zgjerojnë edhe më tej kontrollet e jashtëzakonshme kufitare.

Pesë shtetet e sipërpërmendura kanë ndërmarrë masa të tilla për shkak të fluksit të emigrantëve dhe refugjatëve, që janë drejtuar për nga vendet e Europës Qendrore e Veriore, përmes të ashtuquajturit “korridor ballkanik”, pasi zbarkuan fillimisht në brigjet greke.

Edhe pse kriza është lehtësuar ndjeshëm prej një viti më parë, qeveritë e këtyre vendeve thonë se shumë emigrantë janë ende nëpër kampe duke pritur të vijojnë rrugëtimin e tyre drejt Europës, edhe pse gjenden në Greqi.

Top Channel