Hanover në zi, humb jetën futbollisti 19-vjeçar
01/05/2016 00:00
Kapiteni largohet pas një jete me Realin, Interi gati të përfitojë 20/04 11:18
Futbollisti 19 vjeçar i Hanover, Niklas Fajerabent, i cili pak kohë më parë arriti të nënshkruajë një kontratë profesioniste me klubin gjerman, është ndarë nga jeta pas një aksidenti tragjik mëngjesin e së dielës me makinë.
“Sot në mëngjes morëm lajmin e hidhur të ndarjes nga jeta të sulmuesit 19-vjeçar, Niklas Fajerabent. Një ngjarje e tillë ka prekur gjithë klubin dhe tifozët, ngushëllimet tona të sinqerta për familjen. Nuk do të të harrojmë kurrë!”, shkroi në faqen e tij në internet klubi i Hanoverit, ndërsa më parë lajmi i hidhur ishte konfirmuar edhe nga presidenti i klubit.
Ngjarja e tmerrshme ka ndodhur rreth orës 05:45 minuta mëngjesin e së dielës. Sipas policisë gjermane, 5 persona, mes të cilëve edhe futbollisti, po udhëtonin me një “Opel Astra” kur janë përplasur me një pemë në një fshat në periferi të Hanoverit.
Top Channel
