Zenga: De Biasi zëvendëson Conten tek Italia

28/04/2016 00:00

Shtohen gjithnjë e më shumë zërat që e shohin Gianni de Biasin trajnerin e ardhshëm të kombëtares italiane.

Së fundmi është ish-portieri i kombëtares italiane, Valter Zenga, i cili gjatë një intervistë për një radio lokale ka pohuar me siguri se pas “Francë 2016”, trajneri që bëri histori me Shqipërinë do të zëvendësojë Conten.

“Nuk i kam meritat për të drejtuar përfaqësuesen. Duhet të kesh një CV më të mirë se ajo që kam unë. Po jua them, De Biasi do të jetë trajneri i ardhshëm i ‘azurrëve’”, ka thënë Zenga.

Pak ditë më parë, presidenti i Federatës Italiane të Futbollit, Carlo Tavecchio, deklaroi se trajneri i ri i kombëtares do të publikohet para finaleve të Euro 2016.

Top Channel