Jetojnë pa para dhe teknologji…!
28/04/2016 01:40
Mbaron retrograda e Mërkurit! Kemi lajme të mira për këto shenja të zodiakut 25/04 13:09
Chang Tang-Pa është fisi që jeton në kufirin tibetiano-indian, rrëzë Himalajeve, tërësisht të shkëputur nga pjesa tjetër e botës.
Çdo ditë e më shumë ne po bëhemi të varur nga shpikjet e fundit teknologjie, ndërsa pa para thuajse nuk mund të bëjmë asgjë, por për këta banorë këto janë dy gjëra ta parëndësishme.
Fotografja Cat Vinton mori guximin dhe vendosi të bëhej pjesë e këtyre njerëzve për dy muaj, duke bërë jetë nomade dhe duke u përballur me vështirësi të shumta. Ajo u mirëprit nga fisi dhe në kohën që jetoi me ta vuri re një vendosmëria të palëkundur për të ruajtur mënyrën e tyre të jetesës.
Anëtarët e fisit i kalojnë ditët duke kërkuar ushqim për dhitë e tyre në malet me dëborë, duke u përpjekur dëshpërimisht për të mbijetuar.
Vinton zbuloi se anëtarët e Chang Tang-Pa nuk kanë nevojë për para. Ata jetojnë vetëm përmes shkëmbimit mall me mall.
“Është me të vërtetë mbresëlënëse, fuqia pa kompromis e besimit të tyre dhe forca e vendosmëria e tyre për të mbijetuar”, shprehet Vinton, e cila jetoi dhe hëngri po ashtu si fisi për dy muaj me radhë.
Fotografja zbulon se këta banorë janë të devotshëm ndaj zakoneve të tyre fetare, por edhe pse arsimi është i rëndësishëm në kulturën fetare budistëve, fëmijët e tyre nuk shkollohen.
“Përballë një bote që po zhvillohet me shpejtësi, e ardhmja e këtyre banorëve është e pasigurt”, thotë Vinton.
Top Channel
