Edhe NBA u dorëzohet parave

Kjo do të thotë se për herë të parë, duke nisur pikërisht nga ky sezon, në fanelat ekipeve të NBA do të shfaqen emrat e kompanive sponsorizuese.

Sipas drejtuesve të NBA, për momentin ky vendim është në formën e një projekti pilot për një periudhë 3-vjeçare. Emri i kompanisë sponsorizuese të skuadrave të NBA, do të shfaqet në anën e majtë në fanelës në një katror me sipërfaqe 6.35 cm2.

Sipas përllogarive të para, rezulton se secila prej skuadrave do të përfitojë mesatarisht 4-6 milionë Dollarë në vit me këtë sistem të ri sponsorizimi, shifër kjo që do të konsiderohet si e ardhur dhe që do t’u shpërndahet basketbollistëve në varësi të paktit që arrihet në kontratën kolektive.

“Shfaqja e sponsorëve në fanela jep mundësinë e krijimit të një lidhje më të fortë me partnerët që janë të interesuara të bashkëpunojnë me skuadrat e NBA. Të ardhurat e përfituara nga sponsorizimi do të ndihmojnë në përmirësimin e mëtejshëm të nivelit të lojës në këtë kampionat. Duam që të mbajmë NBA kompetitive në tregun botëror dhe tani të shohim se çfarë do të sjellë ky eksperiment 3-vjeçar”, thonë zyrtarët e NBA.

Por fanelat me emrat e sponsorëve nuk do të vihen në dispozicion të të gjithë tifozëve. NBA bën të ditur se fanelat që do të dalin në shitje nuk do të kenë emrat e sponsorëve. Megjithatë, skuadrave nuk iu mohohet e drejta që të shesin fanelat e tyre me sponsorë në dyqanet e tyre.

Top Channel