Leicester me njërën dorë tek titulli, Ranieri porosit picat

10/04/2016 00:00

Leicester City ka bërë një tjetër hap gjigant drejt titullit kampion në Premier League pasi fitoi në transfertën ndaj Sunderland 2-0.

Dopieta e Jamie Vardy i siguroi një tjetër 3 pikësh skuadrës së Ranierit të cilët tashmë shkëputën 10 pikë nga Tottenham i vendit të dytë, por që luan pasditen e së dielës me United.

Jamie Vardy nuk kishte shënuar që prej muajit shkurt, por lojtari u zhbllokua në një ndeshje vendimtare, pasi Sunderland kërkonte dëshpërimisht 3 pikët që do ta ndihmonin në luftën për mbijetesë.

Goli i parë i ndeshjes u shënua në minutën e 66, kur Drinkwater shërben Vardyn i cili kaloi një mbrojtës dhe shënoi për 0-1. Vendasit kishin disa raste të mira për barazim, por në minutat e fundit, sulmuesi i kombëtares angleze kalon bukur dy mbrojtës dhe porterin për të shënuar edhe golin e dytë.

Leicester nuk ka pësuar gol prej 5 javësh duke vendosur një rekord të ri për skuadrën. Dy ndeshjet e ardhshme, “dhelprat” i luajnë në shtëpi . Fillimisht do të mirëpresin skuadrën londineze të Ëest Ham, ndërsa më pas uellsianët e Swansea.

FOTO GALERI
1/9

Top Channel