Pozicioni i “kuqezinjve” në tabelën e klasifikimit mund të zbehë disi rëndësinë e sfidës mes Milanit dhe Juventusit, por kjo nuk e heq këtë ndeshje nga vëmendja e tifozëve.
Dhe beteja ka nisur në rrjetet sociale. “Bardhezinjtë” kanë ftuar përmes rrjeteve sociale të gjithë tifozët e tyre milanezë duke përdorur hashtagun #lamilanobianconero (milano bardhezi).
“Krenarë që po transportojmë flamurin kuqezi në transfertën e Milanos. Milanezë bardhezinj dukuni!”, ishte ftesa e torinezëve.
Por duket se ftesa publike e kampionëve në fuqi të Serisë A dhe kryesuesit e kampionatit aktual ka mbërritur edhe tek kundërshtari, që ka zgjedhur sarkazmën për t’iu kundërpërgjigjur po përmes rrjeteve sociale.
“Jeta është më e bukur me ngjyra”, shkruan faqja zyrtare e Milanit në Twitter.
Milani pret Juventusin në San Siro mbrëmjen e së shtunës. “Kuqezinjtë” ndodhen në kuotën e 49 pikëve në vendin e gjashtë, ndërsa torinezët kryesojnë me 73 pikë, gjashtë më shumë se Napoli i vendit të dytë.
Top Channel