Rikthehet Rembrandti
07/04/2016 00:00
Burri jeton prej 10 vjetësh në botën e egër me qenin, ndërtoi shtëpinë dhe mbledh ushqimin në pyll (fotot)
23/04 15:56
Njeriu i konsideruar si artisti më i madh i epokës së artë holandeze, Rembrandt Harmenszoon van Rijn u rikthye në jetë për një pikturë të fundit madhështore, e krijuar ama jo prej dorës së tij.
Gati 400 vite nga vdekja e mjeshtrit të madh, studiuesit “mësuan” një kompjuter të pikturonte si ai, pas analizimit të më shumë se 346 veprave të Rembrandtit.
Krijimi, i përbërë nga 148 miliardë pixels, u printua në 3D për të lejuar riprodhimin më besnik të penelatave të artistit. U deshën 18 muaj për të nxjerrë në dritë një vepër, që ngjason me ato të piktorit të famshëm.
Portreti është ai i një mashkulli kaukazian ndërmjet të 30-ave dhe të 40-ave, me një mjekër të rrallë dhe rroba në ngjyrë të errët. Tiparet e subjektit janë krijuar në përshtatje të plotë me stilin e Rembrandtit.
Sipas ideatorëve, projekti synon të japë një shembull të qartë, sesi mund të përdoret teknologjia në përmirësimin e artit dhe të kulturës.
Top Channel
