Nantes mendon për sezonin e ardhshëm, Cana e Lenjani pritet të largohen

Kapiteni i kombëtares ka edhe në vit të mbetur në kontratën e tij me Nantes, por skuadra kërkon që t’ju besojë më shumë të rinjve. Për këtë arsye, atij i është lënë të kuptohet se do të bënte mirë të gjente një ekip të ri për sezonin e ardhshëm, pasi nuk do të ketë hapësira në formacion.

Siç raporton portali “20minutes.fr”, problemi te Cana mbetet edhe paga që është e lartë, ndërsa këtë nuk e justifikon në fushën e lojës. Mirëpo, ndonjë mrekulli në Europian mund të bëjë që numri 5 të qëndrojë në skuadër ose të paktën në Europë.

Ndërkohë, Ermir Lenjani pritet që të kthehet te skuadra që zotëron kartonin e tij, Rennes. Siç dihet, 27-vjeçari është i huazuar te Nantes, ndërsa është aktivizuar në 15 takime duke shënuar vetëm një gol.

Lenjani fillimisht u aktivizua si mesfushor i krahut të majtë, por nuk arriti të bindte trajnerin, i cili më vonë vendosi ta aktivizojë si mbrojtës të krahut të majtë, por nuk shkëlqeu as në këtë pozicion.

27-vjeçari ka edhe një vit kontratë me Rennes, por vështirë se do të arrijë të gjejë hapësira, prandaj i duhet të mendojë për të gjetur një skuadër të re për sezonin e ardhshëm.

Top Channel