Dasmë në mes të luftës
09/02/2016 00:00
STUDIM/ Burrat më pak tërheqës ju bëjnë më të lumtur, ja pse 17/04 07:55
Homs mund të jetë një dëshmi e gjallë e shkatërrimit nga lufta civile në Siri. Qyteti, 100 milje në veri të kryeqytetit Damask, njëherë e një kohë ka qënë vendi i tretë më i madh i Sirisë, me një popullsi prej 600 mijë banorësh.
Por megjithatë, në 2011 Homs u bë qendra e kryengritësve rebelë, dhe u godit shpesh nga armatimi i forcave qeveritare. Betejat pasuese pothuajse e shkatërruan Homs duke e lënë gërmadha.
Pavarësisht shkatërrimit, jeta e zakonshme vazhdon, në një pjesë të saj të paktën. Më 5 shkurt Nada Merhi, 18 vjeçe dhe Hassan Youssef, 27, bën fotot e tyre të dasmës në rrënojat e qytetit. Joseph Eid, një fotograf i AFP-së, ka shoqëruar çiftin dhe fotografin e tyre Jafar Meray për të bërë setin e fotove. Eid thotë se Meray dëshironte t’i tregonte “se jeta është më e fortë se vdekja”.
Megjithatë kjo nuk është dasma e parë që ka përdorur rrënojat e Homs si sfond fotosh. Meray kishte fotografuar dhe një tjetër çift vitin e kaluar. Në faqen e tij në Facebook, ai shpjegon se fotografitë janë provë se “jeta vazhdon, në heshtje”.
Top Channel
