Mallorca kërkon Del Piero-n…si drejtor sportiv
08/01/2016 13:20
Teste të avancuara për Ndicka, zbulohet më shumë rreth situatës kardiake të mbrojtësit 23/04 16:29
Alessandro Del Piero është gati të rikthehet, jo më si futbollist, por si drejtor sportiv. 41-vjeçari, ish-kapiteni i Juventusit është pranë marrjes së detyrës së drejtorit sportiv tek skuadra e Mallorca-s.
Siç raportojnë mediat spanjolle, skuadra që luan në kategorinë e dytë spanjolle po pëson ndryshime rrënjësore sa u takon financave dhe imazhit. Pikërisht për këtë synohet edhe nënshkrimi i Del Piero-s.
Mallorca është blerë nga ACQ Legacy Partners për 20 milionë euro. Pronarët e rinj janë Robert Sarver, Andy Kohlberg dhe Steve Nash, që zotërojnë gjithashtu edhe Phoenix Suns.
Emri i Del Piero-s, sipas shtypit spanjoll është propozuar nga Steve Nash, një mik i ish-sulmuesit italian.
Nëse kjo do të realizohej, Del Piero do të niste karrierën si drejtues pas 22 sezonesh në futbollin e luajtur, 19 në Serinë A, 2 në Australi dhe një në Indi.
Top Channel
