Lauda: ‘Mercedes-Ferrari, nuk ka asnjë aleancë’
29/12/2015 00:00
Xhaka: Roma skuadër Championsi, por në finale shkojmë ne 19/04 14:33
Mercedes nuk ka lidhur asnjë aleancë me Ferrarin. Kjo është ajo që ka deklaruar legjenda e Formula 1, Niki Lauda, duke përgënjeshtruar deklaratat e Bernie Ecclestone për një akord të tillë të skuadrës gjermane me kokëkuqen italiane.
Mësohet se Ecclestone kishte deklaruar se Mercedes e ndihmoi pak teknikisht Ferrarin, duke shtuar se këto dy skuadra janë në të njëjtën anë, gjë që solli edhe reagimin e Laudës.
“Duam të bëjmë të qartë diçka: Ferrari është rivali i Mercedes dhe ne dëshirojmë ta mposhtim këtë skuadër – tha Lauda në një intervistë për La Gazzetta Dello Sport – nuk ka asnjë bisedim për një aleancë të mundshme me të”.
Këto spekulime u rritën akoma më shumë kur Ferrari punësoi ish inxhinierin e Lewis Hamilton, Jock Clear dhe mendohet se ai nuk është i vetmi person që të ketë kaluar nga Mercedes te Ferrari. Sipas Laudës, në këtë pikë, përgjegjësia bie i gjitha mbi median që e bëri këtë lajm si të bujshëm.
“Jock Clear ka qenë përgjegjës për makinën e Hamilton, por ai ka qëndruar jashtë aktiviteteve për 1 vit dhe kjo konsiderohet si një periudhë e gjatë në Formula 1 – shtoi Lauda – është e vërtetë që Ferrari ka punësuar edhe 3 persona të tjerë, por këto janë gjëra që ndodhin. Gjithsesi, situata është stabël te ne dhe ne nuk jemi të shqetësuar”.
Top Channel
