Mediat: Shqipëria, skuadra surprizë e Euro 2016

Prestigjiozja franceze shkruan se, gjelat e De Champe janë favoritë jo vetëm të grupit, por edhe të eventit. Ndërkohë që në analizën që kanë bërë për Shqipërinë, gazetarët e “Francë Football” shkruajnë se, De Biasi ka krijuar një grup të mirë lojtarësh sipas mentalitetit italian.

Ata kanë vlerësuar në maksimum mbrojtjen, tek e cila sipas tyre është vështirë të gjesh të çara. Sipas revistës, pika më e fortë e kuqezinjve të drejtuar nga italiani është ashpërsia taktike.

Me superlativa kanë folur edhe gazetarët e së përditshmes spanjolle “As”, të cilët në fund të shkrimit për grupin A kanë theksuar se, Shqipëria e De Biasit mund të jetë një nga surprizat e këtij grupi.

Gazeta e madhe zvicerane “Blik”, në faqen e saj zyrtare ka publikuar një deklaratë të ish-trajnerit të tyre, Otmar Hitzfield, se 3 pikët ndaj Shqipërisë janë të detyrueshme për helvetikët.

Top Channel