Rusia “ha inat” me Turqinë: nuk lejon futbollistë turq në kampionatin e saj
30/11/2015 00:00
Kapiteni largohet pas një jete me Realin, Interi gati të përfitojë 20/04 11:18
Tensionet politike mes Turqisë dhe Rusisë të shfaqura ditët e fundit janë pasqyruar edhe në botën sportive. Rusia ka vendosur të ndëshkojë Turqinë për rrëzimin e avionit, jo vetëm në aspektin ekonomik, por edhe në atë sportiv.
Kështu, ministri i Sporteve, Vitali Mutko, vendosi që klubet në kampionatin rus të futbollit të mos blejnë asnjë futbollist turk në merkaton e janarit.
“Klubet ruse nuk do të mund të blejnë lojtarë turq në janar. Do të mund të vazhdojnë të luajnë këtu ata futbollistë që e kanë tashmë një kontratë, por në të ardhmen ata nuk do të qëndrojnë më”, ishte deklarata e Mutkos për agjencinë R-Sport.
Rusët po e bojkotojnë në çdo mënyrë Turqinë, madje arriti deri tek e drejta njerëzve për të lëvizur, duke rikthyer sistemin e vizave për shtetin turk.
Top Channel
