Situata në Kosovë, Vasili i LSI-së: Të braktiset çdo formë bllokuese e të bërit politikë
29/11/2015 12:40
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Kryetari i grupit parlamentar të Lëvizjes Socialiste për Integrim, Petrit Vasili ka reaguar në lidhje me situatën e tensionuar në Kosovë.
Nëpërmjet një dekaratë për mediat, Vasili tha se përshkallëzimi i konfliktit politik në Kosovë nuk i shërben zgjidhjes së problemeve dhe se qeveria e opozita duhet të rivendosin dialogun politik si të vetmin mjet për të zgjidhjen e mosmarrëveshjeve.
“Përshkallëzimi i konfliktit politik në Kosovë nuk i shërben zgjidhjes së problemeve dhe përparimit demokratik të vendit. Qeveria dhe opozita duhet të braktisin çdo formë përjashtuese apo bllokuese të të bërit politikë dhe të rivendosin dialogun politik si të vetmin mjet për zgjidhjen e mosmarrëveshjeve aktuale, duke respektuar gjithmonë ligjin, institucionet dhe kuadrin kushtetues”, u shpreh Vasili.
Top Channel
