Skënderbeu i rimerr kreun Partizanit, mposht Laçin
05/10/2015 16:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Skënderbeu vijon me hapin e kampionit në Kategorinë Superiore. Korçarët regjistruan fitoren e gjashtë radhazi në po aq ndeshje në këtë kampionat, e për më tepër në një fushë të vështirë si ajo e Laçit.
Kampionët në fuqi mposhtën me rezultatin e pastër 3-0. Serinë e golave e hapi Hamdi Salihi në minutën e 20 të takimit, i cili shndërroi në gol një 11-metërsh, që u kushtoi laçjanëve edhe një karton të kuq.
Dyfishimi i rezultatit do të mbërrinte vetëm 120 sekonda nga nisja e pjesës së dytë të takimit, kur Lilaj dërgon topin në rrjetë për herë të dytë për Skënderbeun.
Laçi përpiqet të reagojë, edhe pse me 10 lojtarë në fushë dhe thuajse 10 minuta pas pësimit të golit të dytë, presioni i tyre detyron Shehin që të largohet me karton të kuq nga fusha e lojës. Barazpesha u vendos në numër lojtarësh, por jo në rezultat, pasi Skënderbeu do të gjente rrugën e rrjetës për të tretën herë sërish me Salihin në minutën e 84.
Me ka u mbyll ndeshja e prapambetur e javës së gjashtë të Kategorisë Superiore, që kryesohet nga Skënderbeu me pikë të plotë, 18, ndjekur nga Partizani me 16 dhe Teuta 12, ndërkohë që Laçi provoi për të parën herë në këtë kampionat shijen e humbjes.
Top Channel
