Vllaznia, tifozët në protestë kundër drejtuesve të klubit
28/09/2015 18:55
Pëlqehet nga Milani, ish-trajneri i Realit pranë rikthimit në Angli 24/04 16:29
Rreth 100 tifozë të Vllaznisë kanë kërkuar këtë të hënë pasdite dorëheqjen e drejtuesve më të lartë të klubit, si shkaktarët kryesorë për gjendjen e mjerueshme që po kalon skuadra shkodrane.
Gjatë protestës para Bashkisë së Shkodrës, grupimi i tifozëve “Vllaznit Ultras” kanë kërkuar njëkohësisht edhe ndërhyrjen e menjëhershme të bashkisë, e cila është dhe administratore e klubit të futbollit.
Sipas tyre, skuadra e futbollit duhet të privatizohet dhe drejtimi i saj duhet t’u besohet emrave të mëdhenj të futbollit shkodran. Këtë sezon skuadra e Vllaznisë ka vendosur një rekord negativ, pasi në 13 ndeshje nuk ka asnjë fitore, por 12 humbje dhe vetëm 1 barazim.
Ndërkohë, në klasifikimin e Superligës ajo gjendet në vendin e fundit me zero pikë. Protestuesit kanë kërcënuar se nëse nuk do të merren masa, protesta do të përshkallzohet.
Top Channel
