Chelsea në merkato, kërkohet braziliani Dani Alves

Mbrojtja ka qenë reparti më i kritikuar dhe sipas zërave më të fundit, Mourinho po mendon për përforcimin e saj. Sipas asaj që publikohet te tabloidi “Daily Mail”, Blutë e Londrës janë vënë në kërkim të një mbrojtësi të djathtë për të zëvendësuar Branislav Ivanovic dhe emri që ka filluar të përmendet në ambientet e këtij klubi është ai i Dani Alves.

Gjithnjë sipas “Daily Mail”, interesimi i Chelsea-s për brazilianin është i madh për ta sjellë në Stamford Bridge lojtarin, sa po mendon të bëjë një ofertë në drejtim të tij në muajin janar.

Megjithatë, Dani Alves nuk është i vetmi përforcim që kërkon të bëjë Chelsea. Londinezët kanë vënë në shënjestrën e tyre edhe Luis Gaya të Valencias. Por në këtë rast për ta prolemet janë të mëdha, kjo sepse klubi i Valencias nuk kërkon më pak se 50 milionë euro për Gaya, me mbrojtësin që po kërkohet edhe nga Reali i Madridit.

Top Channel