Tjetër fitore për PSG, këtë herë në transfertë
21/08/2015 00:00
Kampionët e Francës, Paris Saint Germain, vazhdojnë ecurinë e tyre pozitive në kampionat, ku edhe në javën e tretë arritën të fitojnë dhe të mos pësojnë gol.
Ekipi i drejtuar nga Laurent Blanc arriti një fitore minimale 0-1 në transfertën ndaj Montpellier. Autor i golit të vetëm të kësaj ndeshje ishte francezi Blaise Matuidi që shënoi në minutën e 61.
Kjo ishte ndeshja e parë e javës së tretë në Ligue 1, ndërsa takimet e tjera të kësaj jave do të zhvillohen të shtunën dhe të dielën.
PSG udhëheq me pikë të plota renditjen dhe me një golavarazh të pastër 4-0.
Top Channel