Futbolli mund të mos jetë sporti më i preferuar i amerikanëve, por derbi mbetet derbi…edhe atje.
E tillë ishte sfida mes New York Red Bulls dhe New York City zhvilluar ditën e dielë. Kjo e fundit është skuadra më e re në MLS dhe në këtë merkato siguroi shërbimet e Andrea Pirlo-s dhe Frank Lampard.
Pikërisht këta dy, ish-kapiteni i Chelsea-t dhe ish-mesfushori i Juventusit, për shkak të moshës së tyre ishin në shënjestër të talljes prej tifozëve të Red Bulls.
Këta të fundit shpalosën në stadium një banderolë gjigante me karikaturat e Lampard dhe Pirlos me nga një bastun në dorë me mbishkrimin “City Retirement Home”, e përkthyer në shqip “Shtëpia e pensionistëve City”.
Banderola ka shkaktuar reagim nëpër rrjetet sociale dhe faqet e futbolldashësve, ku shumë prej tyre i kanë dalë në mbrojtje dy mesfushorëve të famshëm. Dikush u kujtoi tifozëve të Red Bulls se Pirlo e Lampard së bashku kanë 31 trofe në rang klubesh, ndërsa skuadra e tyre ka vetëm 13 në gjithë historinë e saj.
Sa i takon rezultatit, Red Bulls fituan 2-0 falë dy golave të shënuar në secilën pjesë të takimit.
Top Channel