Përmbytjet në Tetovë, gjendet trupi i pajetë i 6-vjeçares
10/08/2015 00:00
Banorët e Shipkovicës, fshat që ndodhet në Malësinë e Tetovës, në bashkëpunim me pjesëtarë të Armatës së Maqedonisë, kanë gjetur të hënën trupin e pajetë të Rinës.
Bëhet fjalë për vajzën 6-vjeçare që rezultonte e zhdukur që nga dita e parë e përmbytjeve të mëdha që përfshinë Tetovën dhe rrethinat e saj.
Trupi i Rinës është gjetur nën gërmadhat e shtëpisë së kushëririt të saj, që ndodhet disa shtëpi larg nga banesa e saj. Përpos Rinës jetën e humbën edhe vëllai i saj dyvjeçar, Ritoni, si edhe Hashim Xhabiri, 83 vjeç.
Fshati Shipkovicë pati më shumë viktima dhe pësoi dëmtimet më të mëdha nga përmbytja që përfshiu Tetovën më 3 gusht.
Top Channel