Kupa e Amerikës, Argjentina debuton me barazim
14/06/2015 00:00
Argjentina zhgënjeu në debutimin e saj në Kupën e Amerikës, që po zhvillohet në Kili. Bardhekaltërit shënuan dy gola me anë të Aguero dhe Messi (penallti), por u barazuan nga Paraguaji në minutën e 90 të ndeshjes.
Skuadra e “Tata” Martinos u shpërfytyrua në pjesën e dytë, pasi kishte zhvilluar një pjesë të parë perfekte.
“Na vjen shumë keq pasi e kishim ndeshjen në dorë. Pjesa e parë ishte e shkëlqyer, ndërsa në pjesën e dytë nuk e zotëruam topin dhe nxitoheshim në daljet tona në sulm”, tha kapiteni i Argjentinës, Leo Messi.
Golat për Paraguajin u shënuan nga Valdez dhe Barrios.
Top Channel