Zico hedh kandidaturën për President të FIFA-s
11/06/2015 00:00
Artur Antunes Coimbra, i njohur ndryshe si Zico, ka vendosur zyrtarisht kandidaturën për postin e Presidentit të FIFA-s.
Një nga legjendat e futbollit brazilian ka shprehur dëshirën për të marrë një detyrë kaq të rëndësishme, e lënë bosh nga Joseph Blatter pas publikimit të korrupsioneve në FIFA.
“Posti i Presidentit të FIFA-s është një detyrë dhe unë kam kapacitetin dhe eksperiencën e duhur për të drejtuar futbollin botëror”, ka deklaruar 62-vjeçari.
Gjithsesi, për të legjitimuar kandidaturën e tij, e cila është e para pas dorëheqjes së Blatter, ish-futbollisti i kombëtares braziliane duhet të marrë mbështetjen e të paktën 5 federatave ndërkombëtare.
Top Channel