Zyrtare, Amir Abrashi kalon te Freiburg
03/06/2015 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Pas pesë vitesh të zviceranët e Grasshoppers dhe mbi 150 ndeshjeve të zhvilluara me fanellën e kësaj skuadre, mesfushori Amir Abrashi ka kaluar te gjermanët e Freiburg, skuadër kjo që sezonin e ardhshëm do luajë në Bundesliga 2.
Skuadra gjermane i ka uruar mirëseardhje lojtarit të Kombëtares Shqiptare. Duke cituar drejtorin sportiv të skuadrës, Klemens Hartebahch thuhet se Abrashi ka qenë një dëshirë e vjetër e Freiburgut.
Sipas tij, eksperienca e pasur ndërkombëtare e Abrashit me Shqipërinë, do të ndihmojë skuadrën që të arrijë më shpejtë synimet për rikthimin në Bundesligë.
Ndërkohë, Abrashi është shprehur se e kishte dëshiruar këtë transferim prej disa vitesh dhe është i kënaqur që më në fund është bërë realitet. “Kam besim se këtu do të rritem nga ana profesionale dhe do të jap maksimumin për skuadrën”, – ka thënë Amir Abrashi.
Suksesin më të madh me Grasshoppers, Abrashi e regjistroi në vitin 2013, kur skuadra nga Zyrihu fitoi Kupën e Zvicrës pasi mundi në finale Baselin. Abrashi aktivizohet me Kombëtaren Shqiptare prej vitit 2013 dhe deri më tani ka zhvilluar 13 ndeshje me kuqezinjtë.
Top Channel
