Robben dhe Ribery, mungesat e Bayern Munchen ndaj Werder
12/03/2015 00:00
Holandezi Arjen Robben dhe francezi Franck Ribery do të mungojnë në ndeshjen që Bayern Munchen do të luajë ndaj Werder Bremen ditën e shtunë (ora 15:30).
Dy sulmuesit e krahut u dëmtuan në ndeshjen e së mërkurës përballë Shakhtar Donetsk, e vlefshme për Champions League.
Robben u zëvendësua në minutën e 19 të goleadës 7-0 të bavarezëve ndaj klubit ukrainas për shkak të një shqetësimi muskular, ndërsa Ribery ka ndrydhur kaviljen.
Skuadra e drejtuar nga Josep Guardiola kryeson klasifikimin e Bundesligës me 11 pikë diferencë nga Wolfsburg.
Top Channel