Kupa e Italisë, Morata çon Juventusin në gjysmëfinale
29/01/2015 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Edhe pse vuajti shumë ndaj Parmës, Juventusit i mjaftoi një gol nga Morata në minutën e 89 për t’u kualifikuar në gjysmëfinale të Kupës së Italisë.
Parma renditet e fundit në Serinë A, po në këtë ndeshje ishte një skuadër krejtësisht tjetër, duke ia bërë mjaft të vështirë shënimin e golit Juventusit që udhëheq renditjen në kampionat.
Për të parë rastin e parë të vërtetë në këtë ndeshje duhej pritur fundi i pjesës së parë, kur një krosim pa shumë pretendime i Pepes u ndal vetëm nga shtylla e portës së mbrojtur nga Mirante.
Edhe në pjesën e dytë rastet e pastra për shënim ishin të rralla deri në minutën e 89, kur Morata realizoi pas një asisti nga Lorente.
Pas Lacios, kampionët në fuqi, të drejtuar nga Alegri, janë skuadra e dytë që vazhdon rrugën më tej në kompeticionin e dytë për nga rëndësia në futbollin italian. Ata do të ndeshen në gjysmëfinale me fituesen e çiftit Roma-Fiorentina.
Top Channel
