Klubet me më shumë të ardhura vjetore, kryeson listën Real Madrid

22/01/2015 00:00

Real Madrid është klubi me më shumë të ardhura vjetore për herë të dhjetë radhazi, sipas raportit të Football Money League, i publikuar nga ‘Deloitte’.

Vetëm në sezonin 2013-2014 klubi spanjoll ka grumbulluar një total prej 549.5 milionë eurosh, ku përfshihen fitimet nga stadiumi, nga shitja e të drejtave televizive, marketingu dhe fitimet nga Champions League.

Të ardhurat e Realit ndahen kështu: 113,8 milionë euro nga shitja e biletave, 204,2 milionë euro nga të drejtat televizive plus Champions League dhe 231,6 milionë euro nga marketingu sportiv.

Në vend të dytë renditet Manchester United, me 518 milionë euro të grumbulluara. Podiumin e plotëson Bayern Munchen me 487,5 milionë euro.

Anglia është shteti me më shumë klube në renditjen e 20 të parëve (8 klube). Italia ka 4, Gjermania dhe Spanja nga 3.

Renditja e 10 klubeve me më shumë të ardhura vjetore:

1   Real Madrid          549,5 milionë euro
2   Man. United          518,0
3   Bayern Munchen   487,5
4   Barcelona            484,6
5   PSG                    474,2
6   Man. City             414,4
7   Chelsea               387,9
8   Arsenal                359,3
9   Liverpool              305,9
10   Juventus            279,4
11   B. Dortmund      261,5
12   AC Milan            249,7
13   Tottenham      215,8
14   Schalke 04          213,9
15   Atlético Madrid   169,9
16   Napoli                164,8
17   Inter                 164,0
18   Galatasaray         161,9
19   Newcastle   155,1
20   Everton            144,1