Aksidentet, për fajin e kalimtarëve, nuk respektojnë sinjalistikën

E megjithatë, mjafton të drejtosh mjetin për pak minuta në Tiranë për të parë në çdo aks qytetarë që të ndërpresin rrugën në mënyrë të beftë. Për kreun e qarkullimit rrugor, Besmir Qibini, duhet të nisin fushata intensive për edukimin e qytetarëve në mënyrë që ata të kuptojnë se injorimi i semaforit dhe i vijave të bardha është injorim ndaj jetës.

“Kalimtari duhet ta kuptojë që zbatimi i rregullave të qarkullimit rrugor dhe ecja në vijat e bardha është për të siguruar jetën e tij”, thotë zoti Qibini.

Por, ka edhe njolla të tilla të rrezikshme sikurse ajo tek Ministria e Jashtme, ku lëndimi i kalimtarëve ndodh nga mosrespektimi i rregullave nga drejtuesit e automjetit: “Kjo është një nga “njollat e errta” ku shpesh ndodhin aksidente me pasojë vdekjen. Drejtuesit e mjeteve duhet t’i japin përparësi këmbësorëve, por kjo gjë nuk ndodh.”

Për të vijuar pak metra në të njëjtin aks me drejtim Urën e Tabakëve, kur sërish ndodhin aksidente: “Këtu janë këmbësorët ata që nuk respektojnë vijat e bardha, por kalojnë ku të duan.”

Por, cili është aksidenti tipik në kryeqytet? Kreu i qarkullimit rrugor shpjegon: “Shumica e aksidenteve ndodh sepse pasagjerët e një autobusi dalin nga pjesa e përparme e tij dhe drejtuesi i mjetit është i papërgatitur kur i del para këmbësori. Pasagjeri duhet të dalë në pjesën e pasme të autobusit.”

Aksi që konsiderohet një “njollë e zezë” nis nga Rruga e Kavajës për të përfunduar në Kombinat.

Cilat janë ato veprime që rrezikojnë jetën e qytetarit në rrugë?

“Nuk zbatojnë vijat e bardha, nuk shohin kur kalojnë nga njëri trotuar në tjetrin dhe nuk ecin mirë në rrugë”, thotë Besmir Qibini.

Top Channel