Brazil. Pelè del nga spitali, sërish me batuta

Analizat e fundit mjekësore i japin atij më shumë shpresë, pasi 74-vjeçari duket se është përmirësuar aq shumë, sa që të merrte edhe kitaren dhe të falënderonte të gjithë tifozët e tij anembanë botës.

Problemet me shëndetin e Pelè nisën më 12 nëntor, kur i është nënshtruar një ndërhyrjeje kirurgjikale për heqjen e gurëve në veshka, uretrës dhe fshikëzës, të cilat i shkaktonin atij pengesa gjatë urinimit.

Edhe pse doli nga spitali pas tri ditësh, është rikthyer sërish atje për shkak të një infeksioni që e detyroi të kalonte edhe disa ditë në terapi intensive.

“Nuk kam pasur aspak frikë se do të vdisja, – ka thënë Pelè në konferencën për shtyp pas daljes nga spitali, – sepse kam qenë gjithmonë një njeri i Tres Coracoes (Tri zemrave), rajon i Minas Gerais, vendlindjes së “O Rei” (Mbretit).

Shumë të qeshura, por edhe kohë për ndonjë batutë nga ana e ish-jashtëtokësorit brazilian, i cili është shfaqur i qetë në krah të së shoqes japoneze, Marcia Cibele Aoki. “Dua t’iu kujtoj se për turneun e futbollit nëpër Olimpiada, ka tri vende të lira për të vjetrit në një skuadër. Unë jam njëri prej tyre”.

Top Channel