F1, Hamilton: Interlagos, një pistë e veçantë për mua
06/11/2014 00:00
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Lewis Hamilton dhe Nico Rosberg do të luftojnë për fitoren edhe në Cmimin e Madh të Brazilit. Avantazhi është për britanikun (+24 pikë), i cili në garën e parafundit sezonale vjen pas 5 fitoresh radhazi.
“Fitorja në SHBA ishte e pabesueshme pasi është një vend që mua më pëlqen dhe automobilizmi po pëlqehet gjithmonë e më shumë atje”, deklaroi Hamiltoni.
Sfida e tij e radhës është Interlagosi, një pistë që i sjell kujtime të bukura.
“Është një pistë e veçantë për mua. Në vitin 2008 duhet të përfundoja të paktën në vendin e pestë për të fituar titullin dhe në xhiron e fundit isha i gjashti. Parakalova Timo Glock-un në kthesat e fundit dhe kur preva vijën e finishit nuk e dija nëse isha shpallur kampion apo jo. Kur më thanë në radio që fitova titullin, përjetova një emocion të papërshkruar. Është një kujtim që do e ruaj përgjithmonë”, tha britaniku i Mercedesit.
Top Channel
