Allegri: Juventusi do e kalojë grupin
23/10/2014 00:00
Pep “ia vë syrin” talentit të Bayernit, por duhet të paktën 100 milionë 19/04 08:46
Massimiliano Allegri është i mërzitur, por ka ende besim se Juventusi do e kalojë grupin e Champions-it pavarësisht humbjes 1-0 ndaj Olimpiakosit në Greqi.
“Gabuam shumë në pjesën e parë, ndërsa pjesa e dytë ishte më e mirë, por gabuam në finalizim. Jam i hidhëruar, por i bindur që kemi mundësi shumë të mira për të kaluar grupin”, deklaroi pas ndeshjes trajneri i bardhezinjve.
Allegri shtoi: “Kisha menduar një ndeshje ndryshe, sidomos në pjesën e parë. Nuk e kontrollonim dot topin dhe ata na vunë në vështirësi sepse vraponin më shumë se ne. Kur e kishin ata topin, ne nuk arrinim t’i bënim presion siç duhet.”
Në fund, disa fjalë për Alvaro Moratën, sulmuesin i cili bëri një ndeshje të mirë, ndryshe nga shokët e tij të skuadrës.
“Alvaro luajti mirë dhe tregoi që ka shumë cilësi”, nënvizoi Allegri.
Renditja e grupit A:
Atletico Madrid 6 pikë
Olympiakos 6
Juventus 3
Malmo 3
Top Channel
