Aksidenti, komunikata e familjes Bianchi
07/10/2014 00:00
E ndau se ishte “i përsosur”, Kaka i përgjigjet ish-it: Mos detyroni askënd të qëndrojë me ju 16/04 08:10
Familja e Jules Bianchi ka dalë me një komunikatë zyrtare që është shpërndarë nga skuderia Marussia, ku falenderon tifozët për mesazhet e shumta të mbështetjes dhe shpjegon situatën ku gjendet piloti i Formulës 1, i cili të dielën pësoi një aksident shumë të rëndë në pistën e Suzukës.
Ja komunikata e plotë e familjes së francezit Jules Bianchi:
“Është një moment shumë i vështirë për familjen tonë, por mesazhet e mbështetjes së tifozëve nga e gjithë bota ndaj Jules kanë qenë një burim i madh ngushëllimi për ne. Ju falenderojmë me gjithë shpirt.
Jules vazhdon të qëndrojë në spitalin e Jokaiçit. Ka pësuar një dëmtim të rëndë dhe ndodhet në gjendje kritike, por të qëndrueshme. Doktorët e spitalit po i japin trajtimin më të mirë dhe i jemi mirënjohës për gjithçka kanë bërë që pas aksidentit.
Gjithashtu, i jemi mirënjohës doktor Gerard Saillant, President i Komisionit Mjekësor të FIA-s dhe doktor Alessandro Frati, neokirurg i Universitetit të Romës La Sapienza, i cili ka udhëtuar në Japoni me kërkesë të Skuderisë Ferrari. Ata janë mbledhur me doktorët që kanë kuruar Jules për të kuptuar se cila është rruga më e mirë për tu ndjekur.
Jules do të vazhdojë të kontrollohet e kurohet në spital.”
Top Channel
