Seria A, vazhdon kriza e Interit
06/10/2014 00:00
PSG-ja triumfon me “poker” ndaj Lorient, Lille mund t’i “dhurojë” titullin sonte 24/04 21:11
Interi shkatërrohet sërish. Nëse ndeshjen e kaluar të Serisë A u poshtërua 4-1 në San Siro nga Cagliari, kësaj radhe ishte Fiorentina ajo që e mposhti bindshëm 3-0 në stadiumin “Artemio Franchi”.
Ishte një gol i mrekullueshëm nga Babacar ai që zhbllokoi ndeshjen në minutën e shtatë, ndërsa në minutën e 19 ishte një tjetër goditje e fortë nga jashtë zone e Cuadrados që dyfishoi rezultatin.
Interi nuk reagoi për asnjë moment dhe Fiorentina vulosi fitoren me golin e tretë të Tomoviçit në minutën e 76.
Trajneri zikaltër, Walter Mazzarri, e shpjegoi kështu humbjen e radhës: “Nuk jemi mirë fizikisht dhe e dimë. Kemi probleme që dolën në pah, jemi në vështirësi. Fatmirësisht tani është pushimi i kombëtareve.”
Mazzarri nuk kërkon të gjejë justifikime: “Gjithçka po shkon keq për ne. Jemi gjithmonë vonë tek topi dhe nuk i gjejmë dot mekanizmat e lojës duke luajtur kështu.”
Top Channel
