Fernando Alonso ka mbërritur në Suzuka duke e ditur mirë se të gjitha pyetjet e gazetarëve do të ishin mbi të ardhmen e tij. Dhe përgjigja e spanjollit të Ferrarit ishte gjithmonë kjo: “Do të bëj atë që është më e mira për Ferrarin.”
“Nuk jetoj në Mars, e di se çfarë thuhet vërdallë… Prioriteti im është të mund makinat Williams në pistë, më pas e ardhmja. Është e qartë që duhet rigjetur harmonia”, ka deklaruar piloti i Ferrarit.
Por, më pas Alonso ka pasur fjalë të ëmbla për skuderinë italiane: “Ferrari më ka mbështetur shumë. Po bëjmë maksimumin, sakrifikohem gjatë çdo fundjave dhe jetoj 365 ditë të vitit për skuadrën.”
“Ka raste që fitohet dhe ka raste që jo. Kështu e ka sporti. Sigurisht, kur nuk fitohet, presioni është më i madh”, shtoi Alonso.
Top Channel