Pas 77 vjetësh Italia arrin të marri një fitore në Norvegji. Antonio Conte debutoi në mënyrën më të mirë të mundshme në një ndeshje zyrtare me kombëtaren e Italisë, duke mundur 2-0 Norvegjinë.
“Kemi nevojë për njerëz të uritur për sukses dhe jo për njerëz të famshëm. Djemtë janë të kënaqur, pasi i kanë kuptuar idetë e mija”, kështu është shprehur trajneri i Italisë menjëherë pas suksesit në Norvegji.
Ish-trajneri i Juventusit e ka vlerësuar kombëtaren e Norvegjisë duke thënë se çdo ekip do ta ketë të vështirë të fitojë ndaj nordikëve.
Conte është pyetur në lidhje me paraqitjen e Simone Zaza, autori i golit të parë dhe zëvendësuesi i Balotelli-t në sulm. “Kam nevojë për njerëz të cilët dëshirojnë të fitojnë. Tashmë nuk ka më kthim prapa”.
Top Channel