Rikthehet Champions, sfidat në grupe

28/08/2014 00:00

U hodh në Monako shorti i fazës në grupe për Ligën e Kampioneve. Real – Liverpul, Arsenal-Dortmund, Bajern-Mancester City dhe Roma, Atletiko Madrid – Juventus janë disa nga sfidat që rezervoi shorti i hedhur pasditen e së enjtes.

Kampionët në fuqi të Realit të Madridit e nisin mbrojtjen e titullit me ndeshjet kundër Liverpulit, Bazelit dhe Ludogoretsit në grupin B. Nënkampionët e Atletikos në grupin A do të synojnë sërish të ecin sa më larg duke nisur nga Juventusi, Olimpiakos dhe Malmo.

Grupi C bën pjesë tek grupet e ekuilibruara. Benfika, Zenit, Leverkusen dhe Monako do të rivalizojnë me njëra-tjetrën për 2 vendet e para që sigurojnë kualifikimin.

Grupi D vë përballë Arsenalin dhe Dortmundin për kreun e grupit, për të mos harruar turqit e Gallatasarajit që vitin e kaluar eliminuan Juventusin në këtë fazë, ndërsa Anderlehti i Besnik Hasit në letër shihet si një kundërshtar i lehtë.

Në grupin E Bajerni i Pep Guardiolas duhet të mposhtë anglezët e City-t dhe Romën për kreun e grupit, ndërkohë që e pafat cilësohet CSKA e Moskës që ka rënë në të njëjtin grup.

Në grupi F Ibrahimovic vendoset përballë një pjese të së shkuarës së tij. Barcelona, PSG, Ajaksi dhe Apoeli u vunë përballë njëra-tjetrës.

Grupi H në pamje të parë vlerësohet si më i balancuari. Porto, Shakhtar Donetst, Bate Borisov dhe Atletiko Bilbao, që një ditë më parë eleminoi skuadrën e Napolit do të përballen për dy vendet e para të grupit.  

Grupi A

Atletiko Madrid (Spanjë)
Juventus (Itali)
Olimpiakos (Greqi)
Malmo (Suedi)

Grupi B

Real Madrid (Spanjë)
Bazel (Zvicër)
Liverpul (Angli)
Ludogorets (Bullgari)

Grupi C

Benfika (Portugali)
Zenit (Rusi)
Leverkusen (Gjermani)
Monako (Francë)

Grupi D

Arsenal (Angli)
Dortmund (Gjermani)
Gallatasaraj (Turqi)
Anderlehet (Belgjikë)

Grupi E

Bajern i Mynihut (Gjermani)
Mançester C. (Angli)
CSKA e Moskës (Rusi)
Roma (Itali)

Grupi F

Barcelona (Spanjë)
Paris (Francë)
Ajax (Holandë)
Apoel (Qipro)

Grupi G

Chelsea (Angli)
Schalke (Gjermani)
Sporting i Lisbonës (Portugali)
Maribor (Slloveni)

Grupi H

Porto (Portugali)
Shakhtar Donetsk (Ukrainë)
Atletiko Bilbao (Spanjë)
Bate Borisov (Bjellorusi)

Top Channel