Ecclestone, as fajtor dhe as i pafajshëm!

Oferta e Ecclestone ishte e bazuar mbi një dispozitë ekzistuese në ligjet gjermane. Më herët, gjatë së martës, prokurorët gjermanë pranuan një ofertë nga miliarderi 83-vjeçar, i cili dominon në fushën garave automobilistike.

Ai nisi gjyqin në Prill, i akuzuar se kishte paguar 33 milionë euro ndaj një bankieri gjerman, për t’u siguruar që një kompani e favorizuar prej tij të blinte një pjesë të aksioneve të Formula 1.

Megjithatë, ai nuk e pranoi akuzën dhe mohoi të kishte bërë diçka të jashtëligjshme.

Vendimi i gjykatës gjermane nënkupton që Eccleston do të jetë i lirë tashmë nga gjykata e Mynihut dhe mund të vazhdojë të drejtojë sportin e tij të preferuar. Gjithashtu, vendimi nënkupton se Ecclestone nuk është shpallur as fajtor, dhe as i pafajshëm.

Pasuria e tij private shkon në rreth 4,2 miliardë dollarë, sipas “Forbes”, që e rëndit atë të 12-tin në listën e miliarderëve të Britanisë së Madhe.

Nëse ai do të shpallej fajtor, do të mund të përballej me 10 vjet burgim, si dhe do t’i jepte fund dominancës së tij 10-vjeçare në garat me makina.

Top Channel