Zuniga: Nuk doja ta lëndoja Neymarin
05/07/2014 00:00
Pëlqehet nga Milani, ish-trajneri i Realit pranë rikthimit në Angli 24/04 16:29
Camilo Zuniga, mbrojtësi i krahut kolumbian i cili i theu një vertebër Neymarit në ndeshjen çerekfinale të Botërorit mes Brazilit dhe Kolumbisë, deklaroi pas takimit se nuk kishte ndërhyrë me qëllimin për të dëmtuar yllin e Seleçaos.
“Nuk doja ta lëndoja. Në fushë luaj me vendosmëri, por kurrë nuk mendoj për të dëmtuar kundërshtarët”, tha lojtari i Napolit.
Në minutën e 86 të ndeshjes, kur Brazili po fitonte 2-1 ndaj Kolumbisë, Neymar po mundohej të ruante topin duke i kthyer shpinën Zunigës, i cili me vrull u sul nga pas duke e goditur me gju lojtarin e Barcelonës e duke i thyer një vertebër.
“Po kërkonim golin e barazimit dhe u bë një ndeshje e ashpër. Të dyja palët po bënim ndërhyrje të forta. Shpresoj të mos jetë asgjë e rëndë, do i lutem Zotit. Neymar është një talent i madh i Brazilit dhe gjithë botës”, shtoi Zuniga.
Top Channel
Top Channel/Rithemelimi denoncon provimin e Magjistraturës: Kualifikoi studentët që janë prurje e PS
Top Channel/ Shkuan për peshkim, por u përballën me dallgë të larta, shpëtohen dy burrat në Shëngjin
