Robbenit i “djeg” ende
10/06/2014 00:00
Teste të avancuara për Ndicka, zbulohet më shumë rreth situatës kardiake të mbrojtësit 23/04 16:29
Arjen Robben nuk mendon se një fitore ndaj Spanjës në debutimin e Holandës në Botëror ditën e premte do të shëronte plagët që shkaktoi “Afrika e Jugut 2010”.
Sulmuesi i Bayern Munchen ka deklaruar se humbja në finale ndaj kampionëve të Botës në fuqi do të harrohej vetëm me një fitore në finale po ndaj tyre.
“Do e harroja vetëm po t’i mundja në finale. Vetëm aty mund të hakmerremi, ndeshjet e tjera nuk quhen”, tha holandezi për gazetën “Sp!ts”.
Robben kishte në këmbët e tij mundësinë e artë për t’i dhënë Holandës titullin në vitin 2010, kur i vetëm përballë Casillasit nuk arriti dot të kalonte portierin spanjoll.
“Kur je aq pranë Kupës së Botës, plaga nuk mbyllet kurrë”, shtoi Arjen Robben.
Top Channel
