F1, Vettel: Gjithmonë më ndodh diçka
26/05/2014 00:00
Xhaka: Roma skuadër Championsi, por në finale shkojmë ne 19/04 14:33
Sebastian Vettel braktisi Cmimin e Madh të Monakos në xhiron e tetë të garës pas disa problemeve mekanike të makinës së tij Red Bull.
Mekanikët e thirrën në bokse pilotin gjerman, por ndryshimet e bëra prej tyre nuk dhanë rezultat e për këtë arsye e lajmëruan me anë të radios se duhet të parkonte makinën.
Kjo është hera e dytë që Vettel braktis një garë gjatë këtij sezoni të errët për të. E njëjta gjë i ndodhi në Cmimin e Madh të Australisë (probleme me motorrin).
Ja si e shpjegoi Vettel problemin e tij: “Gjithmonë na ndodh diçka. Kishim probleme me presionin anësor të turbos dhe nuk mund të garohet në kushte të tilla. Shpresoja që ta zgjidhnin në bokse, por jo.”
Top Channel
