F1, Mercedesi në pistë me megafon

Shumë skuadra kanë kërkuar që të merren masa në lidhje me këtë aspekt, kërkesë kjo që është pranuar edhe nga Presidenti i FIA-s, Zhan Todt. Ndërsa pritet një lëvizje nga ana e Federatës Ndërkombëtare të Automobilizmit, te Mercedesi e bënë një përpjekje konktrete për ta bërë më të zhurmshme makinën, por që mesa duket nuk rezultoi shumë e suksesshme.

Gjatë testeve të zhvilluara në Barcelonë, Niko Rosberg zbriti në pistë i pajisur me një megafon për të parë se si do të ndikojë në ndryshimin e zhurmës së motorit, por mesa duket nuk u vunë re ndryshime të mëdha.

“Për fat të keq nuk u vu re asnjë ndryshim nga përdorimi i megafonit”, tha Rosberg i cili më pas theksoi se tek Mercedesi të gjithë po përpiqen për të gjetur një zgjidhje për çështjen e zhurmës së motorëve.

“Si skuadër, ne duam për të mirën e këtij sporti që të dëgjohet më shumë zhurma e motorëve në pistë, kështu që është e nevojshme që të gjejmë të tjera zgjidhje sepse kjo që bëmë këtë radhë nuk ishte e duhura”, tha piloti gjerman.

Top Channel